Guest
Кан тамырлар ден соолуктун башаты болгондуктан аны таза алып жүрүүгө өзгөчө көңүл буруш керек экенин балдар кардиологу Данияр Аматов билдирди. Айтымында, алар таза, бекем болсо кан айлануу жакшы жүрүп, ден соолук мыкты болот. Адамдар майлуу, таттууларды көп жеп, аз кыймылдап кан тамырлардын ичкеришине, анда май жана башка керексиз заттардын көбөйүшүнө өздөрү “салым кошуп алышат“. Ошондой эле тамеки чегүү да кан тамырларды катырып, кан айланууга чоң тоскоолдук жаратат. “20-30 жаштан өткөндөн кийин эле кан тамырларга кам көрүүнү колго алуу зарыл. Бирок биз 50-60ка чыкканда гана бул тууралуу ойлонуп баштайбыз, тилекке каршы, кечигип калабыз“, — деди Аматов.
