Guest
Հայ ժողովրդական «Նազեի օրոր» օրորոցային երգն է՝ «Ակունք» անսամբլի կատարմամբ։ Մենակատար՝ Հասմիկ Հարությունյան։ Երգը տարածված է եղել Վասպուրականում և Սուրմալուում։ Երգի տեքստը, ըստ «Վէմ» հանդեսում ֆոլկլորագետ Ա. Հակոբյանի հոդվածի՝ Ավետիս Ահարոնյանը գրառել է Սուրմալուում՝ համիդյան ջարդերից փրկված մի կնոջից, և օգտագործել իր «Արցունքի հովիտը» դրամայում: Այս տեքստով ժողովրդական երգի երկու տարբերակ է հայտնի՝ Վասպուրականի և Սուրմալուի (երկու տարբերակն էլ պահպանված են Հայրիկ Մուրադյանի կատարմամբ։ )։ Կոմիտասի աշակերտ Վարդան Սարգսյանի մշակած տարբերակը՝ Երգի ընթացքում Հայրիկ Մուրադյանը կարդում է հատվածներ Ավետիս Ահարոնյանի «Կույր աշուղը» բանաստեղծությունից։ Շնորհակալություն յութուբյան օգտատեր Droog Tchekhova-ին՝ տեղեկությունները հայթայթելու և մեզ տրամադրելու համար։ Ավետիս Ահարոնյան Երգի խոսքերը՝ Քարաւանն անցաւ՝ բարձած արցունքով, Սեւ անապատում ծունկ չոքեց, մնաց, Ա՜խ, մեր աշխարհի դարդ ու զուլումն է, Դու լաց մի՛ լինիր, ես շատ եմ լացել։ Դալուկ շրթունքիդ իմ կաթը սառեց, Գիտեմ, այն դառն է, չես ուզում, բա՛լիկ, Ա՜խ, վշտիս թոյնն է քամուել նրա մէջ, Դու լաց մի՛ լինիր, ես շատ եմ լացել։ Կաթիս հետ մէկտեղ սեւ թոյնը ծծե, Հոգուդ մէջ թող նա սեւ վրէժ դառնայ, Աճիր, բո՛յ քաշիր, բոյիդ ես ղուրբան, Դու լաց մի՛ լինիր, ես շատ եմ լացել։ *** ԿՈՒՅՐ ԱՇՈՒՂԸ Սեւ խաւարը իմ ընկերն է անբաժան, Ես չգիտեմ, ի՞նչ ասել է պայծառ օր, Բայց այսօրուայ խաւարն է խոր, հոգեհան, Դիակները փսփսում են ահ‰
