Guest
Гераіняй шостага выпуску “Рэжыму чакання“ стала Валянціна Шчэрбіч. Тэлефонную размову жанчыны з сынам Віталём палічылі доказам яго віны — “падрыхтоўкай масавых беспарадкаў“. У нашым выпуску Валянціна расказвае пра сына, унукаў, сілу духу і нястрымную беларускую салідарнасць… “Рэжым чакання“ — у такім стане жывуць бацькі, якія чакаюць з турмы сваіх дзяцей-палітвязняў. У нашых выпусках мамы і таты раскажуць пра характар, дзяцінства і захапленні тых, каго афіцыйныя ўлады назвалі злачынцамі. І вядома, пра тое, як гэта — жыць у рэжыме чакання. Адрас для лістоў: ПК №17. 213004, г. Шклоў, вул. 1-я Заводская, 8.
