Guest
Абон нæ телеканалы эфиры Сергей Меняйлойæн уыдзæн “комкоммæ бастдзинады лини“ Цæгат Ирыстоны цæрджытимæ. Республикæйы сæргълæууæг дзуæппытæ ратдзæн æппæты ахсджиагдæр æмæ тыхсаг фæрстытæн. Ацы цаумæ егъау командæ рагæй цæттæ кодта. Колл-центр ныридæгæн кусы цалдæр боны. Республикæйы цæрджытæй æрбацыд 300 фарсты. Баст сты социалон æххуысы, сæрмагонд æфсæддон операцийы архайджытæн æмæ сæ бинонтæн фæкæсыны хъуыддæгтимæ. Цæрæнуатон-коммуналон хæдзарады къабазы æмæ цæрджыты хостæй ифтонгадимæ. Иннæ хæттыты куыд уыд, афтæ та ныр дæр адæмæн ис регионы разамонæгмæ сæ фарстытæ рагагъоммæ бадæттыны фадат. Уыцы хъуыддаг бакæнæн ис цалдæр хуызы: 9 сахатæй 18 сахаты онг ахæм телефонæй бадзургæйæ: 33-30-50. Паддзахадон лæггæдты сайты “дыууæрдæм бастдзинады платформæйы“ фæрцы фарст бадæтгæйæ, социалон хызæг “ВКонтакте“-йы республикæйы сæргълæууæджы аккаунты фиппаинаг ныффысгæйæ, “Teлеграм“-ы хызæджы Регионæн разамынды центры чат-ботмæ ныффысгæйæ.
