25-м ноябры Урсейы брг кнынц Фндырдзгъдджы бон

Чысыл Мария фæндырæй зынгæ дæр нæ кæны, фæлæ йæ гыццыл æнгуылдзтæ клавишæтыл уæндонæй згъорынц. Ахуыр кæны æртæ азы. Йе сфæлдыстадон гæнæнтæ йын бынтон чысылæй раиртæстой. Иу инструментыл не ’рлæууыд. Уыцы иу рæстæг архайы цалдæр здæхтмæ гæсгæ. Бекмæрзты Алинæ дæр æппæт инструментты ’хсæн фæндыр равзæрста. Абон йæ царды иу бон дæр æнæ музыкæ нæ уыны. Алы æнтыстдзинады тыххæй дæр бузныг у йæ ахуыргæнæгæй. Зæрдæйæ — хæлар, ахастæй — домаг. Бахъуаджы рæстæг хыл дæр фæкæндзæн. Чызджытæ ахуыртæ дæр нæ цух кæнынц. Фæархайынц алы æркастыты, бацахсынц раззагдæр бынæттæ. Скъолайы иу концерт дæр нæ ацæуы æнæ æрыгон музыкантты цагъдæй. Фæсивæдæн уый рæстæгмæ архайд нæу. Сæ фылдæр музыкæйæн снывонд кæнынц сæ цард. Гæджиты Мария йæ ирон фæндырæй нæ хицæн кæны ныр бирæ азты дæргъы. Бауарзын йын æй кодта йæ нана. Йæ къахфæдыл абон дæр ма цæуы. Фыццаг уал музыкалон скъола каст фæцис, уый фæстæ Гергиты Валерийы номыл аивæдты колледжмæ бацыд. Хаматы Сослан дæр адæмон хайады ахуыр кæны. Марияимæ иумæ фæархайынц конкурстæ æмæ фестивальты. Курдиат æнæмæнг кæй у, ууыл лæппу сæтты, фæлæ йæ цырын кæнын хъæуы, хиуыл кусын æвæллайгæйæ. Уыцы хъуыддаджы та æххуыс сты ахуыргæнджытæ. Концерт уыдзæн аивæдты лицейы. Аивадуарзджытæн бацæттæ кодтой 13 уацмысы: классикон æмæ адæмон музыкæ. Фæндыр стыр бынат ахсы бирæ адæмты культурæйы, Се ’хсæн — нæ Ирыстон. Ацы уарзондзинад нæм цæуы фæлтæрæй фæлтæрмæ.