Guest
Калі ты валодаеш вялікім добрым сэрцам, калі твае намеры чыстыя, калі ты адкрыты ўсяму свету, то падзенне злых чар непазбежна, гэта толькі пытанне часу. Даверся сусвету і вер у цуды– яны здараюцца! Разам з артысткай тэатра і кіно, дзіўна пяшчотнай і трапяткой Мартай Голубевай ты апынешся ў чароўнай краіне, куды цябе прывядуць “Кармінавая ружа і кароль эльфаў” са зборніка казак маладой таленавітай беларускай пісьменніцы Надзеі Ясмінска “Сем ружаў”. Візуальны вобраз літаратурных твораў у 2015 годзе падарыла іншая маладая і таленавітая беларуска – мастачка-графік Кацярына Дубовік. Выданне настолькі выдатнае, што ў 2016 годзе творчы тандэм двух “рэжысёраў кнігі” – аўтара і ілюстратара – стаў уладальнікам Прэміі Цёткі, прэстыжнай нацыянальнай літаратурнай прэміі Беларусі, за лепшы тэкст для дзяцей і падлеткаў і лепшае мастацкае афармленне дзіцячай кнігі. Слухай, глядзі і атрымлівай задавальненне!
