Guest
Амаль тры гады таму на краўд-платформе “Талака“ стартавала кампанія “Кіно па-беларуску ў кінатэатрах — “Беларускія ўікэнды“. На штомесячныя паказы фільмаў у беларускай агучцы планавалася збіраць па 6 тысяч рублёў за месяц. Кампанія “Беларускіх уікэндаў“ стала адной з самых паспяховых у гісторыі “Талакі“, усяго было сабрана больш за 16,5 тысяч рублёў. Але гэта зусім не тыя самыя 6 тысяч за месяц, на якія разлічвала каманда праекта. Як пры гэтым усё ж атрымліваецца рабіць беларускую агучку фільмаў? Распавядзе кіраўнік “Беларускіх уікэндаў“ Андрэй Кім.
