Guest
“Арт Сядзіба“ за 7 год зрабіла шмат важнага для культуры Беларусі. Але дзейнасць “Арт Сядзібы“ залежыць ад падтрымкі з боку грамадства. Хлопцы лічаць, што гэта мусіць працаваць так: “Вы падтрымліваеце “Арт Сядзібу“ — мы ладзім якасныя, яскравыя праекты“. Каб і надалей развіваць беларускую культуру, хлопцы распачалі краўдфандынгаваю кампанію на сайце “Талака“. На што яны разлічваюць у наш цынічны час, калі ўплывовыя людзі нашага свету думаюць пра культуру ў апошнюю чаргу, а ўплывовыя людзі нашай краіны ўвогуле нервова рэагуюць на спробы зрабіць навокал больш беларускага? Пра гэта пагаворым з кіраўніком “Арт Сядзібы“ Алесем Снегам.
