Урыстыла акультура аминистрра анапынала Росконцерт иманаго апрограмма Агастроль дуа ахь есышыса аахьара амоуп Фазиль

Урыстәыла акультура аминистрра анапынҵала Росконцерт имҩаԥнаго апрограмма “Агастроль дуқәа“ ахь есышықәса ааԥхьара амоуп Фазиль Искандер ихьӡ зху атеатр, уи — акультуратә дипломатиоуп ҳәа иҳәеит актиор, арежиссиор Џьамбул Жорданиа. Ари апрограмма есышықәса иаладырхәо атеатрқәа даараӡа имаҷуп иара Урыстәыла аҩнуҵҟа ҳәа азгәеиҭеит иара. “2-3 шықәса рахь знык иақәшәо ыҟоуп, ҳара даараӡа пату ақәаҳҵоит дара ҳазҿлымҳаны есышықәса ҳахьаладырхәо, ҳара ҳҭакԥхықәра еизнарҳауеит, иахагьы-уахагьы аусура ҳаҿуп. Ҳахьнеиуа закә коллективузеи ҳәа рҳәаратәы ҳхы мҩаԥаагоит“, — иҳәеит актиор. РУСДРАМ “Агастроль дуқәа“ рахь ицоит лаҵара 1 инаркны 14 рҟынӡа. Перми Челиабински аԥснытәи артистцәа ахәаԥшыҩцәа иддырбоит аспектакльқәа “Софичка“, “Абацәеи ахшареи“, “Ахьча Махаз“, Екатеринбург ҩ-спектакльк — “Абацәеи ахшареи“, “Ахьча Махаз“. Апрограмма Росконцерт имҩаԥнагоит Урыстәыла акультура аминистрра анапынҵала. Инеиҵыху аиҿцәажәара шәазыӡырҩыр ҟалоит абра. Source: Sputnik А?сны