Абати жларбжьарати ахыты лагерь Аиызара аца аатит Очамчыра ашкол-интернат аы. Уи Асни Урыстылеи рара аминистрра

Аҩбатәи жәларбжьаратәи ахәыҷтәы лагерь “Аиҩызара ацҳа“ аатит Очамчыра ашкол-интернат аҿы. Уи Аԥсни Урыстәылеи рҵара аминистррақәа реиқәшаҳаҭрақәа инарықәыршәаны еиҿкаан. Абри атәы арадио Sputnik аефир аҿы еиҭалҳәеит алагерь анапхгаҩы, Аԥсны аҵара аминистрра аспециалист хада Асҭанда Ҷолокәуаԥҳа. Алагерь аусура ҩ-сменакны еихшоуп, актәи асмена аус ауеит ԥхынгәымза 4 инаркны 9-нӡа, аҩбатәи — ԥхынгәымза 11 инаркны 16-нӡа. Сменацыԥхьаӡа шәҩык-шәҩык ахәыҷқәа алоуп ҳәа адырра ҟалҵеит аспециалист. Алагерь ахь иалырхыз ахәыҷқәа аҵараҿы, аспорт аҿы зхы бзианы иаазырԥшыз, иара убас ахәыҷы рацәа змоу аҭаацәарақәа рҟынтәи ахәыҷқәа роуп. Аԥсны аҵара аминистр Хана Гәынԥҳа иҟалҵаз анапынҵала, сынтәатәи алагерь аҿы ааӡаҩцәеи арҵаҩцәеи зегьы аԥснытәқәоуп, ҵыԥх зегьы Урыстәылантәи иаақәаз ракәын лҳәеит Ҷолокәуаԥҳа. Алагерь апрограмма иалоуп аԥсуа ҵас, акультура, абызшәа, афольклор ирыҵанакуа аҽазыҟаҵарақәа ҳәа азгәалҭеит анапхгаҩы. Source: Sputnik А?сны