Guest
Госця Еўрарадыё Вольга Завізіённая — мама дзяўчынкі Сашы, якая паспяхова вучыцца ў пачатковай школе. Праблем з прадметамі няма, не лічачы беларускай мовы. “Аказалася, што праграма навучання па гэтым прадмеце пабудавана на ідэі “дзіця і так гаворыць“, — тлумачыць Вольга. — Але так бывае далёка не заўсёды, у тым ліку — у нашым з Сашай выпадку. Дзіцяці патрэбна дапамога ў засваенні матэрыялу“. Пошукі адказаў на пытанне “Як дапамагчы?“ да ідэі стварэння слоўніка: такога, які быў бы цікавы 6-гадоваму дзіцяці. Якім будзе гэты слоўнік? Чым ён адрозніваецца ад іншых? Як дапамагчы маме рэалізаваць свой праект? Адказы на гэтыя і іншыя пытанні паспрабуем знайсці ў нашым жывым эфіры, які пачнецца ў 12:05.
