Guest
Супергерой. Што ён робіць? Натуральна, выратоўвае свет. Пачынаючы ад Супермэна ды Бэтмэна, і завяршаючы Чарапашкамі Ніндзя ды Чыпам і Дэйлам – усе супергероі змагаюцца са злом, пазбаўляючы людзей ад страху перад небяспекай. Не пазбаўлены супергеройскіх якасцей і RoboГОП. У чарговай серыі ён змагаецца са “шкоднымі з’явамі” беларускага грамадства. Хто заступіцца за безабароннага крымінальніка Джуніара і абароніць яго ад жахлівай злачынцы Надзенькі Бландзінкі, якая выклікае давер ва ўсіх, але не ў Робо, што бачыць чалавека разам з ягонымі намерамі наскрозь? Хто не дасць быць засцаннымі сценам інтэрнату? Хто дапаможа маленькай дзяўчынцы, што можа памерці ад недахопу вадкасці ў арганізме? Хто? Хто? Адказ усім вядомы – гэта RoboГОП. Як стваральнікі легендарнага Робо ператварылі пастаўленыя вышэй адказы ў жыццё, даведаецеся, паглядзеўшы сапраўдную серыю. Прыемнага прагляду. І не хвалюйцеся: RoboДабро абавязкова пераможа Зло.
