Guest
Слова: Александр Дёмкин Молян, пакся ушова вирь чирева мон молян. Арсян, вечкевиксэнть ланга зярдо ськамон арсян. Кеман, сон эйсэнь учи эрьва чистэ пингень перть. Тон свал мельсэнь аштят эрзянь паро мазый тейтерь. Мороюткось: Кияк а соды, ды а ёвты кода ней тонеть пачкодемс. Кияк а соды, седейсь корты: «Тонеть мартонзо свал улемс». Оймесэнь ськамот, пек тонть вечктян, мазыйка эрзянь тейтерем. Мон свал ней ознан Шкипазонтень, пасиба превс путокшнымем. Ардан, мон машинасо ошонь курова ардан. Ютан мон кусьтем ланга, зярдо кудов пачкодян. Содан тон эйсэнь учат, таго лапны седеесь. Кеман: верепазось максызе монень те превесть. Мороюткось Ютан мон горницява, ды вальма бокас озан. Ванан тонть ванькс рунгонть лангс ды эсень пачка кецян. Сизинь кись ульнесь стака, а якавтови уш келесь, Шожда эрямс зярдо вакссот, мазыйка эрзянь тейтересь.
