Guest
Новыя прыгоды літары “Ў“ 22 верасня! Пасля таго, як літара “Ў” са сваімі сябрамі перамаглі злога чараўніка Зюзю, урэшце надышла Вясна, а потым і Лета. Ярыла-Сонца саграваў зямлю, прырода і людзі песціліся ў цяпле і радасці. Але разбэсціліся людзі, перасталі Ярылу паважаць, сталі ўдаваць, нібы Ярыла цяпер назаўсёды з імі, і нібы нават на службе ў іх. Сталі нават казаць, што непатрэбен Ярыла, ды і навогул духі беларускай зямлі непатрэбныя, ды і сама Беларусь, з яе культурай, мовай і старадаўнімі звычаямі непатрэбная, а сонца і так свеціць і свяціць надалей будзе. Спрабавала Літара “Ў” утрымаць людзей ад такой дурасці – але не паслухалі яе людзі. Больш за тое – сказалі, што літары такой не ведаюць і ведаць не хочуць. Аслабеў Ярыла ад такой хцівасці і дурасці людской. Разумная літара “Ў” вырашыла – каб не звёўся канчаткова Ярыла, трэба ратаваць яго. І выправіла Літара “Ў” Ярылу-Сонца ў вырай, каб там ён вярнуў сваю сілу. А можа да гэтага часу людзі і адумаюцца… 22 верасня, Моладзевы тэатр эстрады (ву
