Gyumri state ensemble of folk instruments - Tikin, ari, endzi lse (Armenian folk song)

Հայ ժողովրդական «Տիկին, արի, ընձի լսե» երգն է՝ Գյումրիի ժողգործիքների պետական նվագախմբի կատարմամբ։ Գեղարվեստական ղեկավար և գլխավոր դիրիժոր՝ Ջեմմա Քաղցրիկյան։ Դիրիժոր՝ Կարեն Մայիլյան։ Երգի մասին տեղեկությունները փոխանցում է երաժշտագետ, Երևանի Կոմիտասի անվան պետական կոնսերվատորիայի Գյումրիի մասնաճյուղի տնօրեն Հասմիկ Հարությունյանը։ Այս երգը գրառվել է Նոր Կյանք գյուղում՝ Վանյա Հովհաննիսյանից, որի հիշողության մեջ պահպանվել է բացառիկ երգերի մի շարք, որն այսօր ամբողջովին դուրս է եկած գյուղի կենցաղից։ Սա կատակ-երգ է, որը ժամանակի հայտնի երգերից էր, սակայն երգասացը կատարել է իր հորինած տեքստով։ Իսկ նոր տեքստի ստեղծման առիթը եղել է այն, որ նրա կինը թերմոսով սուրճ է պատրաստել ու իր հետ աշխատանքի ուղարկել, որը ճանապարհին կոտրվել է, իսկ սուրճը՝ թափվել։ Իսկ երբ տուն է վերադարձեել, կնոջ հարցերին, թե որտեղ է նոր գնված, բավականին թանկարժեք թերմոսը, նա ստիպված է եղել երգով պատասխանել, որի տիպական խոսքն է՝ «Տիկին, արի ընձի լսե, առավոտ կոֆե մի էփե»։ Նա երգով փորձել է մեղմել հասցված վնասը։ Երգի խոսքերը՝ Տիկին, արի ընձի՛ լսե, Լուսուն կոֆե դու մի՛ էփե, Խանութ գնա, թասին աշե, Չնեղանաս, մեր տանտիկին։ Գնա արտը, քաղին աշե, Վնաս տվող փոսին աաշե, Խանութ գնա, թասին աշե, Չնեղանաս, մեր տանտիկին։ Արի կ'էղնի՝ ընձի լսե, Լուսուն դու մի՛ կոֆե էփե, Շատ սիրուն էր, ․․․․․նազարդ, Մեկ կտոր էր, դարձավ հազար։