Guest
Сітуацыя з мігрантамі, якія нелегальна трапілі праз Беларусь у Літву, Латвію і Польшчу, становіцца больш напружанай. Краіны-суседкі проста вяртаюць парушальнікаў мяжы туды, адкуль яны прыйшлі, — у Беларусь. Беларускія памежнікі, якія чамусці не заўважылі, як людзі ішлі ў бок краін ЕС, добра бачаць, як іх вяртаюць. І рашуча ахоўваюць мяжу. Але сітуацыю з “турыстамі” з краін Блізкага Усходу гэта не вырашае. Ці нясе сітуацыя з мігрантамі пагрозу самой Беларусі і беларускаму грамадству? Ці створаць мігранты, што прыехалі ў Беларусь, праблемы для нашага ўсходняга суседа — Расіі? Якой можа быць рэакцыя Расіі на гэтыя праблемы? На гэтыя ды іншыя пытанні адказвае адказны за знешнюю палітыку і гандаль Народнага антыкрызіснага ўпраўлення Анатоль Котаў.
