Guest
Моя страница на Рутубе: Моя страница в ВК: #Православие, #Христианство, #русскийсвятой, #СвятительИонаХанькоуский, #житиясвятых, #житиеСвятителяИоныХанькоуского, #СвятительИонаепископХанькоуский, #СвятительИонаепископХанькоускийЧудотворец Тропарь: Па́стырь до́брый был еси́ ру́сским лю́дем, приста́нище обре́тшим во стране́ чужде́й, вся́ко наставля́я их, наипа́че же любви́ Христо́вой, о́браз ея́ во всем показу́я, те́мже, святи́телю о́тче Ио́но, моли́ Христа́ Бо́га спасти́ся душа́м на́шим. Кондак: Де́тем не возбрани́л еси́ приходи́ти к тебе́, богоблаже́нне, пеки́йся о насу́щных их, и хра́мину им созда́л еси́, по кончи́не же твое́й сих не оста́вил еси́, о́трока бо разсла́бленна в со́нном виде́нии исцели́в. Сего́ ра́ди вопие́м ти: ра́дуйся, чудоде́йственниче Ио́но пресла́вный. Молитва: О, преблаже́нне Ио́но, подви́жниче преди́вный и о нас к Бо́гу моли́твенниче непреста́нный! Са́ном архиере́йства почте́н быв, ко Христу́ ди́вную любо́вь показа́л еси́ и благода́тию Его́ на труды́ и по́двиги укрепи́лся еси́, па́стве же твое́й и отроко́м послужи́л еси́, сего́ ра́ди, еще́ сый на земли́, ве́лие ко Святе́й Тро́ице дерзнове́ние име́л еси́. Егда́ же о предстоя́щей нечаянней кончи́не весть прия́л еси́, ко Го́споду с ве́рою и смире́нною моли́твою прите́кл еси́ и, во́лю Бо́жию прие́мля, оба́че о па́стве твое́й скорбя́, па́че же о де́тех, о ни́хже попече́ние име́вый, Го́спода проси́л еси́ не оста́вити их си́рых. Ны́не же, прибега́юще к те́плому предста́тельству твоему́, приле́жно мо́лим тя: о́ком благосе́рдым любве́ твоея́ воззри́ на нас, гре́шных, по́мощи твоея́ тре́бующих; ве́рныя в ре́вности о ве́ре святе́й поддержи́; борю́щияся со страстьми́ в по́двизех укрепи́; лени́выя ко исправле́нию ско́ро подви́гни; всем же нам по за́поведи Христо́вой люби́ти друг дру́га помози́ и посеще́ния благода́ти Свята́го Ду́ха испроси́, да, вся наставле́ния твоя́ храня́ще, сподо́бимся и мы Ца́рствие Христо́во насле́дити и ку́пно с тобо́ю сла́вити, Отца́ и Сы́на и Свята́го Ду́ха, во ве́ки веко́в. Ами́нь.
