Guest
Минем Телеграмм каналыма язылыгыз Алан-Бәксәр Татарстанның Биектау районындагы авыл. Ашыт елгасы буенда, Биектау тимер юл станциясе поселогыннан 34 км төньяк-көнбатыштарак урнашкан АЛАН- БӘКСӘР АВЫЛЫ ТАРИХЫ XVIII йөз башыннан мәгълүм. 1860 елларга кадәр халкы дәүләт крестьяннары катлавына керә, Алат авылы православие приходына карый. Бу чорда халкының төп шөгыльләре – игенчелек һәм терлекчелек. 1778 елда авылда кәшәнә төзелә. 1888 дә земство мәктәбе ачыла, 1903 елда земство акчасына махсус бина салына (1990 елга кадәр анда мәктәп урнаша). ХХ йөз башында авылда 1 җил тегермәне, тимерче алачыгы, 2 ярма яргыч, сарык тиресе эшкәртү, йон-тукыма ману остаханәләре, 4 вак-төякләр кибете эшли. Авыл җәмәгатенең имана җире 1191,4 дисәтинә тәшкил итә.
