Guest
Слова: Александр Дёмкин Кортакшность монень атятне – аватне: Чачома таркат, цёра, иляк стувтне. Ютасть ламо ийть, кода туить ошов, Мелеть кепети, зярдо сат тон кудов. Мелеть кепети ды тон, цёра, кецят, Зярдо тонь сельметь неить тиринь лицят, Зярдо лисьмапрясто симат тантей ведь, Ды ялгатне венстить тонеть шожда кедь. Мороюткось: Кенде веле, Кенде веле, Нейтян тонть, кепети мелем. Курок мон тонеть пачкодян, Кецятано вейсэ, содан. Учовсть вастоматне: мон велев ардан! Окольцяс пачкодян, вить ёнов пурдан. Ютан кустем-ланга, авань паласа, Састынька эсь пачкан пингем лецтяса. Чатьмонян, а кортан, монь валон ёмить, Варштан вальмава, курок инжетне сыть. Неть валтнэсэ ёвтан мон апак пеле, Свал учат монь эйсэ, вечкевикс веле!
