Guest
Yuqoridagi xabarda taqdim etilgan “Shohimardon turizm qishlog‘i“ni barpo etish yuzasidan Farg‘ona tumani hokimi Hamidullo Inomov va bir guruh mutasaddilardan tashkil etilgan ishchi guruh Shohimardonda bo‘ldi. Hudud aholisi, ayniqsa aholining xizmat ko‘satish sohasida faoliyat yurituvchi faollari bilan uchrashuvda tuman hokimi tomonidan kelgusida rejalashtirilgan “Turizm qishlog‘i“ni barpo etishda nimalarga e’tibor berilishi, Shohimardonga tashrif buyuradigan turistlar oqimining oʻsishi bilan hududda yuzaga kelishi mumkin bo‘lgan mummolarning yechimi bilan bog‘liq takliflar o‘rganildi. Bundan tashqari viloyat hokimi Hayrullo Bozorov aholiga tasdiqlagan na’munadagi xizmat ko‘rsatish ob’yektlari sayti orqali roʻyhatdan o‘tkazilishini tushuntirib oʻtdi. Maʼlumot oʻrnida: 2023-yilning 9 oyi davomida Fargʻona viloyatiga 2 million 627 ming nafar sayyoh tashrif buyurdi. Shundan, 364 ming 610 nafari xorijiy, 2 mln 263 ming nafari ichki sayyohlardir. Joriy yilda Fargʻona viloyatiga sayyohlar oqimini yanada oshirish maqsadida eko, agro, ekstremal, tibbiy, koʻngilochar va boshqa turistik maskanlar tashkil etish hisobiga 1,1 trillion soʻmlik 159 ta loyiha amalga oshiriladi. Misol uchun: Qoʻqon shahar “Baraka International Trade Group” XK MCHJ tomonidan umumiy qiymati 130 milliard soʻmlik “Turizm va hunarmandchilik” markazi tashkil etilmoqda. Ushbu majmuada zamonaviy mehmonxonalar, Hunarmandlar va savdo markazi, bolalar oʻyingohi va boshqa koʻngilochar xizmatlar tashkil etiladi. Fargʻona shahrida yangi barpo etilayotgan “Ekoshahar”da Yaponiyaning “Micado Development” kompaniyasi tomonidan 3 gektar maydonda umumiy qiymati 182 milliard soʻmlik “Shogun city” yapon bogʻi tashkil etilmoqda. Ayniqsa, ushbu yilda turizm oqimini sezilarli darajada oshirish maqsadida Fargʻona viloyati yana bir nufuzli xalqaro festivalga mezbonlik qildi. Joriy yilning 21-23-sentyabr kunlari Qoʻqon shahrida anʼanaga aylangan “II Xalqaro hunarmandchilik festivali” va unga uygʻun holda Rishton tumanida birinchi marotaba “Xalqaro kulolchilik forumi” oʻtkazildi. Festivalda 70 ta davlatdan 300 nafardan ortiq mohir hunarmand va ustalar, taniqli fan, madaniyat va sanʼat namoyandalari, nufuzli xalqaro tashkilotlar vakillari, respublikamizning barcha hududlaridan 700 nafardan ziyod hunarmandlar ishtirok etdi. Festival kunlari davomida turizm oqimini yanada jadallashtirish maqsadida Xalqaro turk madaniyati tashkiloti TURKSOY bilan hamkorlikda 6-Turk dunyosi moda haftasi hamda 24-“Turk dunyosi opera kunlari” tadbirlari ham oʻtkazildi. Fargʻona viloyatiga turistlar oqimini yanada oshirish orqali 5 ta xalqaro (Olmaota, Astana, Jidda, Urumchi, Seul) hamda “Uzbekistan Airports” AJ va uning qoshidagi “Silk Avia” aviakompaniyasi bilan hamkorlikda 7 ta mahalliy (Toshkent, Samarqand, Buxoro, Urganch, Navoiy, Termiz) toʻgʻridan-toʻgʻri yangi aviaqatnovlarni yoʻlga qoʻyish boʻyicha ish olib borilmoqda. 5 ta xalqaro aviaqatnov yoʻlga qoʻyish natijasida yiliga 72 ming hamda 7 ta mahalliy aviaqatnov yoʻlga qoʻyilishi hisobiga 150 ming nafar yoʻlovchiga xizmat koʻrsatiladi. #turizm #travel #uzbekistan #fergana #shohimardon
