Теште (текст) - Олёш

Слова: Числав Журавлёв Ковось велькссэнь теке, сявадыцянь сельме, Веньберть ваны сэтьме, сэтьме эрькенть лангс. Эрькень ведесь чопода, чопода ды кельме, Ансяк тонь вановтось пек лембе ды ванькс. Тон - монь валдо теште, сехте мазый теште, Венстязь кедень а сатыть, а сатыть тонь сэрьс. Тондеть лецтнематне мештем, талнозь, пештить, Совить тон монь седейс, оймес, пряс ды верьс. Тонь кондямо арась, арась ды а ули. Тон – монь кекшезь мелявкс, а ютыця ризкс, Зярс мон эрян, содан, вечкемам а кулы, Теде морамс монень, зярдояк а визькс. Мекс мон эрян, бути, тон монь вакссто туить? Кинь мон учан, бути тон монень а сат? Ламо тештть монь вакссо эрьва кодат улить, Ансяк ютксост арасть, арасть тонь кондят.