Guest
Билиҥҥи саҥа таас оскуолалар, уһуйааннар тутууларын бырайыактара оҕону эргиччи сайыннарыыга, үөрэҕи толору баһылыырга олус табыгастаахтар. Кириэстээххэ тутуллан, быйыл үлэҕэ киирбит оскуола көстүүтэ тупсаҕайын ааһан, миэбэлинэн, анал оборудованиенан толору хааччыллыылаах. Билигин үөрэҕирии тиһигэр оҕолор оскуоланы оробуочай идэни баһылаан, анал докумуоннаах бүтэрэллэр. Онуоха кириэстээхтэр быйылгыттан политехническэй хайысханы ылынан республикаҕа инновационнай площадка быһыытынан үлэлээн саҕалаатылар. Манна элетромонтер уонна иистэнньэҥ идэлэригэр үөрэнээччилэр үс сыл үөрэнэн диплом ылаллар. Саха бастакы алмааһа көстүбүт сиригэр маннык хайысха олус тоҕоостоох. Алмаас промышленноһын кытта олохторун ситимнээбит үлэ үөһүгэр сылдьар дьон, бу нэһилиэктэн элбэхтэр. Инженернэй-техническэй идэни баһылыырга саамай наадалаах биология, химия кабинета араас уопуттары, лабораторнай чинчийиилэри оҥорорго толору хааччыллыылаах. “Алроса“ экологическай киинэ уу туругун чинчийэр уонна ыраастыыр мини лабораторияны бэлэхтээбитин сэргии көрдүбүт. Наш сайт: Наш телеграм: Наш ВК:
