Guest
📢 Калыкым волгалтарымаш пост: Ача-авам пагалаш – тиде суапле паша. Вет нунылан кӧра ме ош тӱняште илена. Шукерте огыл Российыш у пайрем толын – Ача кече. Пайремын посна кечыже уке, тудо пеледыш тылзын кумшо рушарнян палемдалтеш. Тиде ийыште пайрем 21-ше пелыдышыш толеш. Ача – тиде мутым йоча-влак эсогыл шижыт. Ача эргылан – виян да чолга, мастар кидыштыже чыла йӱла, тудын ыштымыж почеш чыла сайын лектеш, тудын семынак ыштыме шукта. Ача чылажымат шижтара: кузе пудам кыраш, йолташ дене сӧрасаш да кузе шке верч пеҥгыдын шогаш. Ӱдырлан ача – тиде кугешнымаш. Кажне ачан ӱдыржӧ шке мотор качым вашлийнеже, кудо ачаж гай коеш. Кызытеш мемнан элыште федерал кӱкшытыштӧ Ача кечым пеҥгыдемден огытыл, кажне регион пайремым посна палемда. «МОСКО МАРИЙ ТӰВЫРА РӰДЕР» проект тиде пайрем дене чыла ача-влакым саламла да шке йочалан сай ача лияш тылана! Монтаж: Моско марий интернет ТВ #ачакече #деньотца #марийэл #пайрем #народыРоссии #пеледыштылзе #марийскийязык #марийцымосквы #Москомарийтӱвырарӱдер
