Guest
сьпіває Моника Сорокова, грає Шаришан Погнівав ся фраїр, аж ганьба повісти Же єм му не хтіла на коліна сісти Хоц ся буде гнівав до Страшного Суду І так на коліна сідати не буду Який він на мене, така я на нього Жеби си не думав же ся бою його А кед ся спам'ятав, милий ся пригварив Жеби-м пребачила, же мі ганьбу справив Я му одповіла, най іде ґу мамі Жеби го навчила о добрим ховані Черешенько моя, чом ся не розвиваш Дівко материна чом же не заспіваш Заспівала би я, але не знам яку Науч же ня шугай днесь гвечур на ярку Поскладала би я співанку о тобі Ти парадний хлопец думаш барз о собі Заспівала би я, але не знам яку А як мам хоц-яку та волю ніяку А хто знат співати, та най і заспіват А кед му не іде най ся не озиват Заспіват пташочку, заспівай маленький Але не тот голос што співав миленький
