Устолыкъя На родине П.И. Чайковского фестиваль

Удмуртиын концерт сезонлэн шорсюлмыз, тужгес яркыт ужрадэз луэ Устолыкъя ««На родине П. И. Чайковского» фестиваль. 63 ар ӵоже ни та фестиваль удмурт музъем вылэ праздник вае. Вань аръёсы сое Удмуртиысь филармония радъя. Фестивальлэн инлыкез (статусэз) котьку вылӥын вал, отчы пыриськем кизилиос пӧлын пианистъёс, СССР-ысь калык артист Лев Оборин но соку Чайковский нимо конкурслэн гит лауреатъёсын Григорий Соколов но Элисо Вирсаладзе, Россиысь калык артист Денис Мацуев, пианист, дирижёр но крезьгурась РСФСР-ысь калык артист Михаил Плетнёв, операысь кырӟасьёс, СССР-ысь калык артисткаос Тамара Синявская но Елена Образцова, операысь туала кизилиос, Россиысь калык артистъёс Дмитрий Хворостовский но Хибла Герзмава, дирижёръёс, СССР-ысь калык артистъёс Евгений Светланов но Юрий Темирканов, Валерий Гергиев но Владимир Спиваков, Мариинской но Большой театръёсысь операысь но балетысь солистъёс, Россиысь устоосыз оркестръёс но мукет яркыт крезьгурасьёс но коллективъёс.