Guest
Величит душа Моя Господа, и возрадовася дух Мой о Бозе Спасе Моем. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем. Яко призре на смирение рабы Своея, се бо отныне ублажат Мя вси роди. Честнейшую… Яко сотвори Мне величие Сильный, и свято имя Его, и милость Его в роди родов боящимся Его. Честнейшую… Сотвори державу мышцею Своею, расточи гордые мыслию сердца их. Честнейшую… Низложи сильные со престол, и вознесе смиренныя, алчущия исполни благ, и богатящияся отпусти тщи. Честнейшую… Восприят Израиля, отрока Своего, помянути милости, якоже глагола ко отцем нашим, Аврааму и семени его, даже до века.
