Богоначальным мановением. Всенощная на Успение

“Богоначальным мановением“. Всенощное бдение на праздник Успения Пресвятой Богородицы, 27 августа 2022 года. Богоначальным мановением,/ отвсюду Богоноснии апостоли,/ облаки высоце взимаеми,/ дошедше пречистаго и живоначальнаго Твоего тела,/ любезно лобызаху./ Превышния же Небесныя силы,/ с своим Владыкою пришедше,/ богоприятное и пречистое тело предсылающе,/ ужасом одержими;/ прекрасно же предыдяху/ и невидимо вопияху превышним чиноначалиeм:/ се Всецарица Богоотроковица прииде./ Возмите врата и Сию премирно подымите,/ Присносущнаго Матерь Света,/ Тоя бо ради всеродное человеком спасение бысть./ На Нюже взирати не можем,/ и Той достойную честь воздати немощно:/ Тоя бо преизящное преходит всяк ум./ Темже, Пречистая Богородице,/ присно с Живоносным Царем и Рождеством живущи,/ молися выну сохранити и спасти/ от всякаго прилога противнаго/ новыя люди Твоя:/ Твое бо предстательство стяжахом,// во веки светоявленно блажаще. Стихира на “Господи, воззвах“, глас 1