Guest
Мадьяр кылэ берыктӥсь Роберт Лацко-Вашш ӟечкыла Татьяна Черноваез выль бичетъёсыныз но Вордӥськем нуналэныз: “Гажано Татьяна Николаевна! 30 ар талэсь азьло нырысьсэ тодматски Эрдейысь Трансильваниысь Кошшут нимо премиен пусъем Шандор Каньяди кылбурчилэн Ашальчи Оки сярысь сюлме пырись но туж чебер балладаеныз. Оки сярысь кылбурысь тодӥ ӵыжы-выжы удмуртъёс сярысь, кыдёкысь шаерзы сярысь, калыкъёсмы куспысь гердэз шӧдӥ. Соку ӧй на тоды кык кылмы вискын выль герӟёт кылдоз шуыса: Коложварын, Эрдэй шоркарын, удмурт но мадьяр кылын бичетмы потӥз. Вордӥськем нуналэныды ӟечкыласа, ваньзэ ӟечсэ сӥзьыса, оскемме вераме потэ, кусыпмы ужме азьланьтӥськоз но кыкетӥ кылбур бичетмы вордӥськоз на шуыса. Инмар мед сётоз кузь но емышо улон, Вордӥськем нуналэныды!“
