Guest
Слова: Римма Жегалина Вай, эрьке, эрьке Вай, сэнне эрьке. Эрькеванть укшныть Яксяргот-галат, Верев кепетькшнесть Чопода пелекс, Алов валгокшность Виев пиземекс. А эсь олясост Менельс кепететсть, А эсест мельсэ Верев ливтякшность. Вай, сынст панинзе Раужо кавал, Вай, тандавтынзе Сынст сыре вадов. Сынь верьга ливтнить Ламодо марить. Сынь алга ливтнить Пек ламонть неить. Вай, пакся, пакся, Апак ледть пакся. Паксянть куншкасо Пижине луга. Се луганть лангсо Вай, чавозь ломань. Се тикшенть потсо Вай, чавозь солдат. Вай, сон кинь цёрась? Кинень сон мирде? Кинень сон тетя, - Ёвтнеде теде. Ки сонзэ учи, Лайши-аварди? Кие мельганзо Чоп сельведть валы? Вай, ки мельганзо Чоп сельведть валы, Ки сонзэ учи Лайши-аварди?
