Guest
(26.) Et nunc cum ipsa sua delectatione, qua in temporum momenta propendet et talibus numeris modificandis nutus suos exhibet, sic agit: Quid est, quod in sensibili PL 1178 numerositate diligimus? Num aliud praeter parilitatem quandam et aequaliter dimensa interualla? An ille pyrrhichius pes siue spondeus siue anapaestus siue dactylus siue proceleumaticus siue dispondeus nos aliter delectaret, nisi partem suam 5 parti alteri aequali diuisione conferret? Quid uero iambus, trochaeus, tribrachus pulchritudinis habent, nisi quod minore sua parte maiorem suam partem in duas tantas aequaliter diuidunt? Iam porro sex temporum pedes num aliunde blandius sonant atque festiuius, nisi quod utraque lege partiuntur, id est aut in duas aequales partes terna tempora possidentes aut in unam simplam ex qualibet parte et alteram 10 duplam, id est, ut maior habeat bis minorem et eo modo ab illa diuidatur aequaliter duobus temporibus quattuor tempora in bina dimetiente ac secante? Quid illi quinum septenumque temporum pedes, und
