Guest
8 гадоў таму прадзюсар Павел Мунцян прыдумаў містара Фрымана — злога чорга-белага персанажа, які рэжа праўду-матку пра наш свет нажывы і капітала. За гэты час Mr. Freeman больш за 60 разоў размаўляў з інтэрнэт-супольнасцю і сабраў дзясяткі мільёнаў праглядаў. 19 сакавіка а 14-й гадзіне аўтар ідэі Mr. Freeman’а Павел Мунцян прыйдзе ў студыю Еўрарадыё, каб распавесці пра свой новы праект — віртуальную дзяржаву Freeland “з новым грамадствам і сучаснымі механізмамі кіравання”. Але мы пагаворым і пра тое, у чым Mr. Freeman бачыць сэнс жыцця, ці ўдалы гэта бізнес-праект — і ці атрымалася ў яго змяніць свет да лепшага.
