Баткен: окуучуларды мектепке милиция коштоп барууда

Тажикстандын айылдары менен дээрлик курчалып калган Баткен облусунун Таш-Тумшук айылындагы башталгыч класстын окуучуларын мектепке милиция коштоп барууда. Айылдагы мектепте 63 окуучу билим алат. Таш-Тумшуктагы мектепке тажик айылдарын аралап, жакынкы Үч-Дөбө айылынан да балдар келет. Аларды да коопсуз келип-кетиши үчүн милиция күн сайын үч маал коштоп жүрүүдө.