Guest
Слова: Алина Подгорнова Каткалевксэнть ёртызь ушов, Тувталтомо, апак учо. Пиштяканть кадызь куломо Виев, седейтеме ломанть. Сынь, эсь койсэст, модань азорт, Допрок стувтызь Верепазонть. Кевень кедьсэ кудот путыть, Зяро мелест ярсыть, удыть. Мезекс сыненст каткалевксэсь, Бути ансяк ярмакт превсэст? Кадык майси. Кадык кулы. Пильгсэ айгсызь, ёртсызь нулакс. Курок сынсь велявтыть ракшакс, Эсесткак кадносызь пакшаст. Вай, пайстомо каткалевкс, Кие тонеть максы лезкс?
