Guest
Jo enämbi nelliä sadua vuottu tagaperin keski-Ven’al, Tverin mual eletäh karjalazet. Hyö tuldih sinne Luadogan rannoilpäi, konzu se joudui Ruočin vallan alle. Ven’alazien keskes eläjes tverin karjalazet ei unohtettu omua kieldy. Karjalan tiedokeskuksen Kielen, literatuuran da istourien instituutan karjalan kielen da fol’klouran tutkijat ajeltih Tverin Karjalah tallendamah tverinkarjalastu paginua karjalan da vepsän kielen iänikartale pandavakse. Hyö käydih kolmeh karjalazien eländykohtah - Lihoslavlin, Maksuatihan da Lesnoih rajonah. Yhtes kielitiedomiehienke matkas oli meijän kuvavusjoukko.
