Guest
Слова: Дмитрий Таганов Сэднинзе телесь весе китнень, Ды ковонть пштилгавтизе сельменть. Мон тонь вастомсто седей витнинь - Тон валдонть ало пелить кельмемс. Тон кеме кияванть, прок ведьга, Монь ёнов ютамодо пелить. Секс чавот кадовсть суртнэ кедьгат. Монь лия лембес пильгтне виить. Тонь эйстэ учинь истя пек Сеть апак марсе ине валтнэнь, Конатне весе оймем сеск, Велявтсызь валонь апак алтане Ней тон ды мон уцяскав ломанть. Парсте молить башкава читне. Мекс эна тошначиде стоман, Ней, зярдо одов сэдявсть китне?… Тон кеме кияванть, прок ведьга, Монь ёнов ютамодо пелить. Секс чавот кадовсть суртнэ кедьгат. Монь лия лембес пильгтне виить. Се чанстенть ёмавтынек минь, Кавонек чумотано – содан. Адя, мусынек одов кинть, Кона вети уцяскань модав. Ки соды, кода муемс кинть, Кона вети уцяскань модав?
