Дуруяа дег мен.

Чаражыңны, чаптанчыыңны Чайырлап каан айга дөмей. Чаражымга, эжим сеңээ Чажыт ынак болуп чор мен. Чаражым кыс эжим сени, Чаңгыс катап көрүп каарымга, Чалыы, бичии чүреккейимге Чаңнык дүшкен ышкаш болду. Чаражым кыс, эжим сен дээш Чалыы чүрээм саргып, ыстап чор. Чалгыннары кемдей берген, Чааскаан арткан дуруяа дег мен. Эргим болгаш ынак эжим, Эштиг болуп чурттап чор сен. Эжим сеңээ ханы ынаам, Эмчи тыппас аарыг болду.