Guest
Чаңчыл болган “Хараар-Тейге эр кижиниң үш адааны” деп өгбелеривистиң эр кижиниң иштики сагыш-сеткилин сайзырадыр, дадыктырар болгаш чөптүг чорукка ынак болурунга кижизидип чораан хей-аът киирер мөөрейлерниң бирээзи бо чылын июнь 12-де болуп эртер. Бо чылгы мөөрей Тыва Арат Республиканың 100 чыл оюнга болгаш Тыва Республикада чарлаттынган «Улусчу бот-идепкей чылын» деткиири-биле болур. Мөөрейни эрттирер эгелекчи саналын кииргени Барыңмаа Айдаш, Тыва Республиканың улустуң артизи, хөөмейжи. Тыва чонувустуң төөгүзүнүң аайы-биле үш оюну – хүреш, аът чарыжы болгаш тыва ча адар оюн. Ук мөөрей республика чергелиг мөөрейлерниң бирээзи апарып, чылдан чылче киржикчилерниң саны көвүдеп, Тывада чүгле хүреш болгаш аът чарыжынче, а тыва ча адар оюнга чоннуң сонуургалы база өзүп турары өөрүнчүг. Тыва үндезин культура төвү болгаш Улуг-Хем кожууннуң Чааты сумузунуң чагыргазы силер бүгүдени 2021 чылдың июнь 12-де болуп эртер «Хараар-Тейге эр кижиниң үш адааны» деп республика чергелиг мөөрейже чалап тур!
