Таццяна Сівец / Гэй, новапрызваныя!..

Гэй, новапрызваныя! Слухайце! Гавару наўпрост! Помніце, што героі падзеленыя па падручніках і загадзя закладзеныя ў бюджэт, Так што пакіньце на сайце шыльду: “Паэты пайшлі на фронт“! І бацькам адпішыце з неба пра “all that jazz“! Вашым слязлівым вершыкам месца хіба ў ЖЖ! Раней бы сказалі ў... Цяпер жа -- наадварот... Па статыстыцы вас чытаюць 547 сяброў. Некаторыя -- насамрэч! І вось гэта напраўду -- “жэсць“! Вы ўсё яшчэ пішаце ямбам, тады мы ідзем да вас! Прабіраемся Белавежаю, вожыкамі ў смузе.