Guest
Ким Нам Гиль мен Ким А Чжун басты рөлдерде ойнайтын бұл телехикая дәрігерлер жайлы. Оқиға бұрынғы Чосон династиясында орын алады. Басты кейіпкер – Хо Има есімді дәрігер жігіт. Жас маман ине салу мен күйдіру әдістерін жақсы меңгерген. Тек оның еңбегі жеткілікті дәрежеде бағаланбайды. Оған себеп, қарапайым отбасында дүниеге келіп, ақшасы, тамыр-танысы жоқ Хо Иманың қоғамдағы дәрежесі. Байырғы заманда жүрген Хо Има кенеттен бүгінгі Сеулдан бір-ақ шығады. Уақыт кеңістігінде сапар шеккенін түсінбеген жігітке алғашында бәрі бөтен көрінеді. Техника, биік ғимараттар, түрлері өзгеше адамдар. Қуаныштысы, сол бейтаныстардың арасынан ол Чхве Ен Кен есімді жас дәрігер бикешпен таныс болып, тіпті ғашықтық сезімі оянады.
