Guest
“Ярдәм” милли ислам хәйрия фондында август аенда булып узган вакыйгаларга нәтиҗә ясыйбыз. Бу чыгарылышта без сезне шушы кызыклы вакыйгалар белән таныштырырбыз: 1. “Ярдәм”дә Корбан гаете 2. Сөләйман мәчете җирлегендә корбан чалу 3. Казан шәһәре һәм Казан шәһәре янындагы авыл кешеләр “Ярдәм” мәчете химаясендә булган мохтаҗлар өчен корбан ите алып килде 4. Ике меңнән артык кеше – мохтаҗлар, күпбалалы гаиләләр, лаеклы ялда булучылар, ятим балалар һәм авыру кешеләргә бәйрәм сые итеп Корбан ите өләшенде. 5. Ярдәм мәчете шатырында Бөтенроссия сукырлар җәмгыятенең Казан бүлеге өчен хәйрия мәҗлесе оештырылды. 6. 30 августта – шәһәр көнен билгеләп үткән көннәрдә, Казан Ратушасында “Ярдәм” хәйрия фондының укыту-тернәкләндерү үзәге җитәкчесе Мәликә ханым Гыйльметдиновага “Казанның хөрмәтле гражданины” дигән мактаулы исем бирелде. 7. “Ярдәм” милли ислам хәйрия фондының укыту-тернәкләндерү үзәгендә күрмәүчеләр һәм начар күрүчеләр өчен “Йөрәк белән күрәбез һәм ишетәбез” социаль проекты буенча чираттагы курслар башланды. Алар РФ Президенты гранты исәбеннән финанслана торган курсларның соңгысы булып тора.
