Guest
Беларусы патрабуюць вяртання ПВК “Вагнер” назад у Расію! Пасля мяцяжу наёмнікаў з ПВК “Вагнер” 23-24 чэрвеня 2023 г. і іх няўдалага маршу на Маскву Прыгожын і Крэмль умоўна замірыліся. У працэсе замірэння ўдзельнічаў i Аляксандр Лукашэнка. У адпаведнасці з дамоўленасцямі супраць Прыгожына спыняюцца крымінальныя справы за ўзброены мяцеж і здраду дзяржаве, а наёмнікі, якія прынялі ўдзел у маршы на Маскву атрымаліваюць права сысці ў Беларусь. Іншым прапануецца права на заключэнне кантрактаў з Міністэрствам абароны Расіі. Па падліках экспертаў колькасць тых, хто можа абаснавацца ў Беларусі складае каля 8 тысяч чалавек. З’явілася інфармацыя, што для размяшчэння наёмнікаў будуецца лагер пад Асіповічамі. Але навошта гэтsя галаварэзы беларусам? Абараняць Лукашэнку? Напружваць Зяленскага? Раздражняць Пуціна? Гэта не мае значэнне. Важна тое, што тыя, хто адважыўся на паход на Маскву могуць адважыцца на паход і на Мінск. Важна тое, што беларусы зазнаюць дадатковы ўсплёск злачыннасці праз рабаванні, згвалтаванні, збіцці, забойствы і п’яныя дэбошы і супрацьстаяць гэтаму мясцовыя ўлады і праваахоўнікі не будуць мець сілы. Людзі з ПВК “Вагнер” – гэта наёмнікі, салдаты ўдачы, былыя крымінальнікі ў якіх няма маральных стрымак, дысцыпліны і субардынацыі! Замест літары закона іх аргумент - кувалда! Беларуская сацыял-лэмакратычная партыя (Грамада) заклікае неадкладна адмовіцца ад размяшчэнне ПВК “Вагннер” у Беларусі. Беларусь – гэта наш агульны дом і ў яго не трэба цягнуць кожную прыблуду! Вагнер – go home!
