Guest
Так здарылася, што галоўныя музычныя ідэі гэтай п’есы з’явіліся па-за межамі Беларусі, у некалькіх паездках, раздзеленых трыма-чатырма месяцамі. Стваралася гэтая п’еса ў 2021-ым годзе, да жахлівых падзей 2022-га. Абедзве паездкі дазволілі хоць крыху ачысціцца ад удушаючай атмасферы. І адразу ж пайшла прабівацца творчасць, радуючы новымі музычнымі ідэямі. Не было сумневу, як назваць п’есу - Аднаўленне, Recovery, Исцеление. Так створаны чалавек, што нягледзячы на аніякія падзеі, з цягам часу ён аднаўляецца, адчувае новае і свежае. Мы жадаем каб вашае аднаўленне здарылася з вамі ў любым выпадку! Гэтая п’еса - шостая вялікая інструментальная форма нашага гурту. Дагэтуль мы выдалі Нарвежскую сюіту, Дарожныя замалёўкі, У пошуках мінулага і Рэквіюм. Чацвёртая п’еса пад назваю Сублімацыя - зараз у працэсе прадакшэна, напачатку наступнага году выйдзе як асобны інструментальны альбом. 💫 Слухаць:
