Guest
Мектеп окуучусу Калык шаарда эжесинин үйүндө жашайт. Ал жайкы эс алуу убагында тоолуу аймактагы жайлоодо жашаган ата-энесинин үйүнө барат. Карып калган ата-энеси кичүү уулун шаарга кайра жибербей, алып калгылары келет. Улуу балдары шаарга отурукташып калган, аларды алып келүү мүмкүн эмес. Карыган ата-энесине кам көрүп, чарбачылыкты колго алып, үй-бүлөнүн жолун уланткан мураскор керек. Бакай, Калыктын атасы, башында баласын тоодо алып калуу чечимине толук ынанбайт. Урум, энеси, акылдуулук кылып, кичүү баласын да шаарга жибер деп эрин көндүрөт.
