Guest
Двух супрацоўнікаў Офіса па правах людзей з інваліднасьцю —дырэктара Сяргея Драздоўскага і юрыста Алега Граблеўскага —затрымалі ў лютым 2021-га. Іх абвінавацілі ў махлярстве. Сяргея пасадзілі пад хатні арышт бяз права камунікацыі (у яго першая група інваліднасьці, і ён перасоўваецца на інвалідным вазку), а Алега зьмясьцілі ў СІЗА № 1 на Валадарскага. 31 ліпеня 2021 года пасьля паўгадавога зьняволеньня абодвум зьмянілі меру стрыманьня — яны былі вызваленыя пад асабістае даручальніцтва. Драздоўскі і Граблеўскі пакінулі Беларусь і цяпер у Нямеччыне. Свабода пагаварыла зь імі пра арышт, пераезд і ціск на праваабаронцаў.
