Крыжовы шлях з папай Бенедыктам XVІ

У Вялікую пятніцу 25 сакавіка 2005 года ў рымскім Калізеі праводзілася набажэнства Крыжовага шляху. Гэта былі апошнія дні жыцця Яна Паўла ІІ. Цяжка хворы Папа ўдзельнічаў у тым Крыжовага шляху, застаючыся ў сваіх пакоях: ён сядзеў перад тэлеэкранам, пры некаторых стаяннях трымаючы ў руках вялікае распяцце, а ўдзельнікі шэсця ў Калізеі маглі бачыць яго на маніторы.Тэкст Крыжовага шляху ў Калізеі 2005 года быў напісаны кардыналам Ёзафам Ратцынгерам, які менш чым праз месяц стаў пераемнікам Яна Паўла ІІ на Рымскім Прастоле з імем Бэнэдыкт XVІ. Разважанні чытаюць удзельнікі гурта “Verbum Dei“. Прапануем далучыцца разам з намі да разважанняў гэтага Крыжовага шляху!