Жонка Ігара Лосіка бачылася з мужам пасьля агучваньня прысуду / Жена Игоря Лосика увиделась с мужем

Дар’я Лосік, жонка палітычнага вязьня і журналіста Радыё Свабода Ігара Лосіка, атрымала 2-гадзіннае спатканьне з мужам на наступны дзень пасьля агучваньня выраку. 14 сьнежня суд прызначыў Ігару 15 гадоў турэмнага зьняволеньня ўзмоцненага рэжыму. Падчас спатканьня Ігар Лосік расказаў жонцы, што за пяць месяцаў суду ён пачуў сваё прозьвішча толькі адзін раз. Ён папрасіў яе распаўсюдзіць гэтую інфармацыю. Таксама ён адзначыў, што яму ў турме не задавальняюць яго заявы на мэдыкамэнты. «Ён папрасіў беларусаў быць моцнымі, сьмелымі, адкрыта гаварыць пра тое, што адбываецца, не здавацца і не хаваць свае галовы ў пясок. Бо ад гэтага залежаць жыцьці, лёсы, здароўе тых, хто ў турмах».