Кайбыч районы комбайнчылары Татарстан Республикасы Авыл хуалыгы м азык-тлек министрлыгы блклрен алдылар

Бүген Олы Кайбычта район башлыгы Альберт Рәхмәтуллин районның иң яхшы комбайнчыларына “Иң яхшы комбайнчы – 2024” республика конкурсында җиңүчеләргә акчалата сертификатлар тапшырды. Быел Кайбыч районында ун комбайнчы иң яхшылар исемлегенә керде. Аларның бишесе – республика дәрәҗәсендә җиңүчеләр: “Август-Кайбыч” җәмгыятеннән Фәнис Галәтдинов, Александр Рыбаков, Альберт Лазарев, Павел Горшков, Вячеслав Туртыгин. Аларга Альберт Илгизәрович 50 шәр мең сум күләмендәге сертификатлар тапшырды. Район дәрәҗәсендә конкурста җиңүчеләр 30 ар мең сумлык сертификатлар алдылар. Болар: Айрат Сафиуллин - “И. Җәләлиева” КФХсы, Рөстәм Гыйзәтуллин - “Ф. Зиннуров” КФХсы, Андрей Муклуков, Дмитрий Мухин, Максим Кузнецов - “Август-Кайбыч” җәмгыятеннән. Альберт Рәхмәтуллин игенчеләрне хезмәт уңышлары, якынлашып килүче Яңа ел белән котлап, алдагы елларда да уңышлар, гаиләләрендә иминлек теләде.