Guest
Ave nobilis, venerabilis, Maria, amicabilis, comes utilis in via, mentes erige, cursum dirige per hec invia, mores corrige, tuo remige, lux superna, nos guberna per hec maria. Tu post Dominum celi agminum magistra, virgo virginum, lucis luminum ministra, cor illuminans et eliminans queque vetera, fons inebrians, stella radians super astra, celi castra nobis resera. Mater, assumus et te querimus devote: ire volumus, sed non possumus sine te. sola sufficis, si nos respicis. in hoc tramite nobis clericis, nostris laicis nunc adesto, custos esto plebis subdite.
