Guest
1973 онд “Соёл-Эрдэнэ“ хамтлагт ороод удаагүй байсан З.Зундарь , Д.Мангалжав эмчийн ажиллаж байсан Халдвартын эмнэлэгт хэвтэж эмчилгээ хийлгэж л дээ. Сар гаруйн дараа бие нь сайжирсан Зундарь эмчийн өрөөнд орж эмчлүүлсэн тухай тодорхойлолт бичиг авах үедээ дор нь байсан ганц хоёр цаастай нь хамт авч гарсны дотор “Сэтгэлийн жигүүр“, “Сайхнаа чи минь“ гэсэн 2 шүлэг байсан юм билээ. З.Зундарь агсан гэртээ харьсан хойноо шүлгүүдийг олж үзээд Мангалжав эмч надад ая хийгээрэй гэж өгсөн байх гэж бодоод өнгөрсөн гэсэн. Гэтэл гэргийдээ зориулсан тэр хоёр шүлгээ Мангалжав эмч “Цог“ сэтгүүлд хэвлүүлэхээр бичгийн машинаар цохиулаад ширээн дээрээ тавьчихсан нь тэр байж л дээ. Ийм л нэгэн санаандгуй тохиолдлоор Монголын эстрад урлаг, рок хөгжмийн сонгодог дууны нэг алдарт “Сэтгэлийн жигүүр“ дуу төрсөн түүхтэй гэдэг. Оригинал:
