Guest
Некалі ў Беларусі быў вельмі паспяховы і шматабяцальны гурт The Toobes. Праз некаторы час ён разваліўся. Яго бубнач і фронтмен каманды Стас Ламакін асеў у Польшчы і стварыў там гурт RADIOSLAM, які грае музыку, вельмі падобную да “тубсаўскай“. Сам жа Стас кінуў барабаны і стаў спяваць з гітарай. Што прымусіла беларускага музыку з’ехаць за мяжу? Ці складана было музыканту-эмігранту знайсці сярод мясцовых творцаў годных паплечнікаў для стварэння новай каманды? Ці лёгка заваяваць месца пад сонцам польскага шоу-бізу і ці не плануе Стас вяртацца ў Беларусь? На гэтыя ды іншыя пытанні ў жывым эфіры Еўрарадыё адкажа былы бубнач і фронтмен The Toobes, а зараз лідар гурта RADIOSLAM Стас Ламакін.
